best astrology services

2021 Mai surya ka mesh rashi me pravesh ka rashifal

 2021 Mai surya ka mesh rashi me pravesh ka rashifal, Mesh sankranti ka fal, Sun in Aries prediction as per vedic astrology. 

13 अप्रैल 2021 ki raatri ko,  ko surya mesh rashi me pravesh kar chuke hai aur 14 may tak rahenge, yaha achhi baat ye hai ki vedic jyotish anusar surya mesh raashi me uch ke ho jate hain aur iska shubh prabhav sabhi ko dekhne ko milega. 

Surya atma ka karak hai, maan, samman, yatraa, pita, adhikari aadi se bhi juda hai atah sambandhit kshetro me bahut laabh dekhne ko milega. 

2021 Mai surya ka mesh rashi me pravesh ka rashifal
2021 Mai surya ka mesh rashi me pravesh ka rashifal

Aaiye jante hain ki surya ka mesh raashi me aane se 12 rashiyo par kya prabhav padega :

Watch video here:

Mesh Rashi –

 surya mesh raashi mai pravesh kar chuke hai aur agle 1 mahine tak isi mai rahenge,  ye gochar aapke liye bahut hi shubh rahega aur nischit rup se aapke atmbal ko badhaayega, aapke ruke sarkaari kaarya pure honge, yatra ko badha sakta hai. 

Aapke man me naye vishayo ko sikhne ke liye utsaah jaagega, naye sampark badhenge. Mesh rashi wale agar job mai hai to padonnati mil sakti hai, vyapariyo ko vyapaar badhaane ka mauka mil sakta hai.

Mesh raashi walo ko is baat ka dhyan rakhna hai ki apne jivan saathi ke saath vyavhaar karte samay saawdhani rakhna hai, ahankaar takra sakta hai. 

Santank paksh se aapko khushi milne ke yog bhi bante hain .

Agar mesh raashi wale kisi premi ki talash mai hai to ab aapko prapt ho sakta hai aur aap khulke apni  bhaavnaao ko vyakt bhi kar sakte hai. 

Shubhta ke liye mesh rashi walo ko shivling ka abhishek ganne ke ras  se karna chahiye.

Vrishabh Raashi :

Vrishabh rashi se surya barahwe bhaav me gochar kar chuke hai jiske karan yatraao me kharcha badh sakta hai, naye wahan kharid sakte hain. Mata ke sahyog se aapke ruke kaarya pure ho sakte hain. 

Aapko apne gusse pe kaabu rakhna hoga aur jald baaji me koi bhi nirnay lene se bachna hoga. 

Vrishabh raashi wale agar naukri karte hain to ab aap ji tod mehnat karenge aur iska fayda bhi aapko prapt hoga.

Agar aap vyapaar karte hain to bhi aap apni mehnat se naii unchaaiyo ko chu paayenge. 

Prem jivan ki baat Karen to galat fahmiyo ke karan apne premi se duriyan badh sakti hai atah sawdhaan rahen.

Swasthy samanya rahega atah koi ghabraane ki jarurat nahi hai.


Jivan mai shubhta ke liye vrishabh rashi ko shiv aradhna karni chahiye aur Om Namah shivay mantr ka jap karna chahiye, saath hi meetha baantna chahiye. 

Mithun Rashi :

Mithun rashi se surya ka gochar gyrahwe bhaav me ho chukka hai jiske karan aapke aay ke strot ko kholega, naye awsar milenge aapko, aapke sambandh bhi bahut badhenge aur aap apne sampark ke karan nai unchaaiyo ko chu paayenge.

Santan se laabh milne ke yog bante hain, akasmaat dhan laabh ke yog bhi bante hain.  Aap kam kaaj ko leke choti moti yatraao par jaa sakte hain. 

Is samay aapko swasthy ke prati sachet rahna chahiye, haath pairo me dard rah sakta hai.

Mithun rashi walo ko shubhta ke liye niyamit rup se shivji ka abhishek mithe jal se karna chahiye. 

Kark Rashi:

Kark rashi se surya daswe bhaav me pravesh kar chuke hai jiske karan aapke jivan me bahut bade parivartan dekhne ko mil sakte hain jaise aapke maan samman me badhotri hogi, kaam ko badhane ken aye awsar aap khoj paayenge, apne wani ke prabhav se aap naya naam hasil kar paayenge, aap ek ache salaahkaar sabit honge. 

Nai jimmedariyan aapka intejaar kar rahi hai jiske karan ab aap jyada vyast rah sakte hain. Aapke andar urja aur jivni shakti badhegi jisse aap apne kaaryao ko kuch alag hatke karne ki koshish karenge.

Jivan saathi ke swasthy ko leke chinta ho sakti hai atah dhyan rakhen. 

Badhaayen bhi aayengi aur aap unse ladke nikal bhi jaayenge atah purn vishwaas se aage badhte rahen. 

Shubhta ke liye kark rashi walo ko jyada se jyada safed kapde pahanna chahiye. 

Singh Rashi:

Singh rashi se surya ka gochar navam bhaav me ho chukka hai jiske karan aapko bhagya ka saath milega. Ruke kaarya pure honge, naye awsar milenge jivan mai aage badhne ke. Pita ke sahayta se aapke kaam pure hone ke yog bante hain. 

Uch adhikariyo se sambandh banne ke yog bante hain. 

Singh rashi walo ko apne jalne walo se ab saawdhan rahna hoga kyunki aise log aapke marg me awrodh utpann karne se nahi chukenge.

Shubhta ke liye singh rashi walo ko surya ka pendent dharan karna chahiye. 

Kanya Rashi :

Kanya rashi se surya ashtam bhaav me pravesh kar chuke hai aur iske karan aap ab ek khoji ke rup mai safal honge arthaat agar aap kisi shodh kaarya ko kar rahe hain to aap safal honge. 

Agar aap kisi purani bimari se lambe samay se pareshan hai to ab aap baahar aa paayenge.  Aapko is baat ka bhi dhyan rakhna hai ki aapke swasthy me achanak se bade parivartan dekhne ko mil sakte hain atah apne khaane pine me puri saaf safaai rakhen. 

Kaam kaaj me sangharsh ke saath aapko aage badhna hoga, jaldi baaji me koi nirnay na le anyatha pachtana pad sakta hai. 

Jivan saathi ke saath man mutaaw badh sakta hai, unke swasthy ko leke chintaayen badh sakti hai atah pura dhyan rakhen. 


Shubta ke liye kanya rashi walo ko pakshiyo ko dana khilana chahiye aur gay ko hari ghaas khilaayen. 

Tula Rashi :

Tula rashi se surya saptam bhaav me pravesh kar chuke hai jiske karan naye dost banenge, logo ki sahayta se kaam kaaj ko badhaane me madad milegi. 

Tula raashi wale apne vyapaar ko badhaane ke liye bhi badhiya ranniti bana sakte hain.

Agar aap vivah karna chahte hain to ab aapka bhagya aapka saath dega. 

Vivahit logo ko is baat ki saawdhani rakhna hogi ki jivan saathi ke saath ahankaar ke karan sambandh na bigad jaaye. 


Tula rashi walo ko koi bhi nivesh karne se pahle bahut soch lena chahiye anyatha dhoka ho sakta hai, jaldi baaji me koi bhi nirnay na le. 

Shubhta ke liye Tula rashi walo ko apne jivan saathi ko uphaar dena chahiye. 

Vrischik Rashi :

Vrischik raashi se surya ka gochar chhathe bhaav me ho chukka hai jiske karan aapke andar ichhayen badhengi, aap khud ke vichaaro ke karan hi pareshan rah sakte hain.

Yahan achhi baat ye hai ki agar aap kisi karje se pareshan hai to usse baahar aane ke yog banenge, ruka dhan prapt hone ke yog banenge. 

Agar aa[ kisi swasthy samasya se lambe samay se pareshan hai to ab thik hone yog majboot honge. 

Santan se pareshani ho sakti hai aur agar aap satta bajaar se juda kaam karte hain to saawdhan ho jaayen, bahut badi haani ho sakti hai. 

Agar aap kisi kanooni case me fanse hai to ab aapke bahar aane ke yog majboot honge. 

Shubhta ke liye vrischik rashi walo ko bhagwan ganesh ki aradhna karni chahiye. 

Dhanu Rashi:

Dhanu rashi se surya panchwe bhaav me gochar kar chuke hai jiske karan akasmik laabh ke yog banenge, aap kuch naya seekhne me samay bita sakte hain, apni vidya ka sahi stemaal kar paayenge. 

Agar dhanu rashi wale satta bajaar se juda kaam karte hain to aapko vishesh labh milne ke yog bante hain. 

Agar aap jivan me premi ki talsh mai hai to ab aapko prapt ho sakta hai, santan paksh se khushi mil sakti hai. 

Bhumi mai nivesh karne ke yog bante hain. 

Jivan saathi se man mutaaw badh sakta hai ya fir unke swasthy ko leke chinta ho sakti hai. 

Shubhta ke liye dhanu rashi walo ko gaay ki sewa karni chahiye. 

Makr rashi:

Makar rashi se surya ka gochar chauthe bhaav me ho chukka hai jiske karan naye wahan kharid sakte hain, parivaar me jyada kharcha ho sakta hai. 

Mata ke swasthy me bade badlaaw dekhne ko mil sakte hain. 

Agar aap vyapari hai to aapki vyastta badhegi jisse aap parivaar me kam samay de paayenge. 

Naukri walo ke upar naii jimmedaaria aa sakti hai. 

Aapke prem jivan me bhi bahut bade badlaaw dekhne ko mil sakte hain, achanak se koi naya saathi pravesh kar sakta hai, premi ke saath sambandh kabhi ache kabhi bure honge jisse man me chinta bani rah sakti hai. 

Shubhta ke liye makar rashi walo ko shani dev ki aradhna karni chahiye. 

Kumbh raashi :

Kumbh rashi se surya ka gochar teesre bhaav me ho chukka hai jiske karan aapke parakram mai bahut vriddhi hogi, aapko nai urja milegi. 

Kaam kaaj ko badhaane ke liye aap yatraao par jaa sakte hain. 

Aapko is baat ka dhyan rakhna hoga ki bhaai bahno se aapka ahankaar na takraaye.  

Kumbh raashi wale agar vivah ke liye saathi dhoondh rahe hai to aapko ab milne ke yog majboot ho gaye hai. 

Premiyo ke liye thoda sankat ka samay hai, galatfahmiyo ke karan sambandho me khataas aa sakti hai atah dhyan rakhe. 

Shubhta ke liye aapko chocolates, mithaai baantna chahiye. 

Meen Raashi :

Meen raashi se surya ka gochar dusre bhaav me ho chukka hai jiske karan aapko laabh ke yog bante hain, aap apni wani ka prayog karke samaaj me vishesh sthaan paa sakte hain. Aapke nivesh ka laabh milne ke yog majbut ho gaye hain. 

Agar aap kisi bimari se lambe samay se pareshan hai to ab aapko laabh milega, aay ke strot khulne ke yog bante hain. 

Agar aap marketing se sambandhit kaam karte hain to aapko vishesh laabh milega. 

Dharm ke karyo me jyada aap samay bita sakte hain. 

Jivan saathi ke saath sambandh kharab ho sakte hain aur agar aap saajhedari me kaam karte hain to aapko ab vishesh saawdhani rakhna hoga. 


To humne dekha ki surya ke mesh raashi me gochar ka 12 rashi walo ke upar kya prabhav hoga. 

Agar aap apni kundli ke anusaar apna bhavishya janna chahte hain to sampark kar sakte hain vishwasniye jyotish sewa ke liye. 

2021 Mai surya ka mesh rashi me pravesh ka rashifal, Mesh sankranti ka fal,, 2021 Transit of sun in Aries rashifalSun in Aries prediction as per vedic astrology. 

No comments:

Post a Comment

Sun transit in virgo on 17 september 2021 read prediction

Surya badlelenge rashi 17 सितम्बर 2021 , शुक्रवार को, kanya sankranti ka prabhav kya hoga 12 rashiyo pe, sun Transit in september 2021, ...