best astrology services

Somwati Amavasya Ka Mahattw

Somwati amavasya kya hai, kaise dur Karen durbhagya ko, janiye kya mahattw hai somwati amavasya ka jyotish anusar.

jab bhi amavasya somwar ko aata hai to us din ko somwati amavasya kahte hain, ye din jyotish anusar bahut mahattw rakhta hai aur grah dosho ko dur karne ke liye bahut hi khaas samay hota hai. 

Somwati Amavasya Ka Mahattw in hindi jyotish on 12 april 2021
Somwati Amavasya Ka Mahattw

Is din pavitra nadiyo me snaan karke puja path, daan, dharm kiya jaata hai samarthya anusar, pitro ke tarpan ke liye bhi bahut hi achha din maana jata hai.

 Is saal 12 april 2021 ko somwati amavasya hai jab Chandra dosh, graham dosh, pitru dosh se chutkaare ke liye pujan kiya jaa sakta hai, shiv bhakto ke liye bhi bahut hi mahattwpoorn din hai.


Watch video on somwati amavasya Pryaog:

Aaaaiye jante hain aur vistaar se somwati amavasya ke mahattw ke bare mai:

  • Mahabharat kaal mai bheeshm pitamah ne yudhisthir ko somwati amavasya ke mahattw ke bare me bataya tha. Is din bhagwan shiv aur pitaro ki kripa asaani se prapt kiya jaa sakta hai hawan, tarpan, abhishek aadi karke. 
  • Somwati amavasya ko pavitra nadiyo mai, sangam mai snaan karna shubh mana jaata hai, punyashaali maana jata hai.
  • Is din pitaro ke liye kiya gaya shraadh, tarpan, dan bahut faldaai hota hai. 
  • Somwati amavasya ko peepal ki pooja bhi anek sankato se mukti karti hai.

Aaiye jante hain 12 april 2021 ko Graho ki sthiti kaisi rahegi ?

Is saal 12 april ko kuch ache aur kuch kharab yog ban rahe hain jiski jaankari diya jaa raha hai –

  1. Raahu aur mangal saath mai rahenge gochar kundli mai jiske kaaran durghatnaaaye hone ke yog banhut rahenge, aagjani ho sakti hai, atah yatraao me saawdhani baratna jaruri hai. 
  2. Gochar kundli me budhaditya yog ka nirman hoga jiska mukhya faydabhi milega sabko. 
  3. Shani swa raashi mai rahenge aur puja path karne walo ko iska laabh milega.
  4. Rahu aur ketu apne uch raashi me rahenge jiske karan tantra saadhna karne walo ko bhi khoob laabh milega.

Aaiye jante hain kuch saral upaay, jivan mai se sankato ko dur karne ke liye:

  1. Agar arthik tangi bahut jyada pareshan kar raha ho, naukri nahi mil rahi ho, kundli me pitru dosh ke karan sangharsh badhta jaa raha ho to aise mai nadi kinaare pitro ke nimitt tarpan karna chahiye aur sankato se mukti ke liye prarthna karna chahiye. 
  2. Shiv bhakt agar kesar mishrit doodh se shivling ka abhishek Karke rudra path Karen to bahut laabh hota hai.
  3. Agar koi upri badha ho aur kuch samajh nahi aa raha ho to aise me peepal ke ped ki pooja karke 108 parikrama lagaayen aur sankato se nivratti ke liye prarthna kare. Shamshaan mai maujood peepal ya fir ekaant mai maujood peepal jayda upyukt hota hai pujan ke liye.

  4. Ghar mai vastu dosh door karne ke liye is din pure ghar ki safaai karke gangajal chidke, gaumutra chidke aur dhoop dijiye. 
  5. Ghar ke dakshin –paschim disha me kesar kid hoop dena chahiye pitaro ke naam pe. 
  6. Jinke kundli me chandrama ka dosh ho we log somwati amavasya ko pyaau lagwaayen, apne haatho se pyaso ko paani pilaaye, isse jivan mai shubhta aati hai.

To hum kuch asaan aur saral upaayo se apne jivan ko sankato se mukt kar sakte hain.

Agar aap janna chahte hain ki aapke kundli  ke anusar kaun se upaay aapke liye upyukt hai to aap jyotish salaah ke liye sampark kar sakte hain.

  • Janiye kaun se grah kundli me kharab hai.
  • Kin graho ka saath mil raha hai.
  • Kaun sa ratn aapke liye shubh hai?
  • Kaun si puja jivan mai shubhta laayegi.
  • Kaisa rahega aanewala samay vedic jyotish anusar. 

Somwati amavasya kya hai, kaise dur Karen durbhagya ko, Significance of somwati amavasya in English, janiye kya mahattw hai somwati amavasya ka jyotish anusar.

No comments:

Post a Comment

Jyotish ke 9 khatarnaak yog jo barbaad kar sakte hain

Jyotish ke 9 khatarnaak yog jo barbaad kar sakte hain, 9 नुकसानदायक योग जो जीवन में संघर्ष पैदा करते हैं, जानिए कैसे बनते हैं ये योग कु...